Tingkayad

Noong isang araw, nagkaroon ng debate sa CFA (Communication Foundation for Asia) bilang bahagi ng Aksyon Kabataan Youth Summit 2016. Habang nagpapatuloy ang pagpapalitan ng ideya, napansin ko na halos lahat ng mga kababaihan na hindi masyadong pinagpala ng tangkad ay tumitingkayad upang maabot ang mikropono at  maipahayag ang kanilang saloobin sa mga isyung pinag-uusapan

Madalas kailangan nating tumingkayad upang maabot

ang mikropono para maiparating sa lahat ang ating saloobin

Parang ganito din ang karamihan sa lipunan--maliliit at di nabibigyan ng pagkakataon para pakinggan. Ikaw at Ako madalas ganito. Kailangan nating magsumikap. Kailangan nating banatin pa ang ating mga buto at prinsipyo upang mapansin at maipahayag sa lahat ang ating adhikain sa ngalan ng pagbabago.

Kailangan nating mag-effort upang makaalam, Kailangan nating mag-effort upang maki-alam. Kailangan nating mag-effort upang mabatid ng lahat ang ating nais mangyari--upang tayong lahat ay kolektibong makalahok sa pagbabago ng bansa.

Hanggang saan ang kaya mong ibigay para sa labang ito ng pagiging kabataan, mamamayan, at Filipino?

Handa ka na bang humarap sa mga hamong ito.?

Nasa iyo ang kasagutan.

Media

Sino ang Pilipinong Kabataan?

Ang kabataang Pilipino ay isinilang na may galang, na may respeto at higit sa lahat lumaking may takot sa Diyos. Sila'y isinilang upang gawin ang mga bagay o misyon na dapat nilang tugunan dito sa ating mundo. Kung ating babalikan ang isang kasabihang “Ang kabataan ay pag-asa ng ating bayan”, sila'y ating tulungan upang mahubog ang kanilang sarili sa pamamagitan ng mga karanasan. Ang mga kabataan ay dapat na may sapat na kaalaman ukol sa pagpapamilya dahil ang pag-aasawa ay hindi parang isang mainit na kanin na kapag napaso ka ay kahit anong sandal ay pupuwede mo siyang iluwa. Ang pagpapamilya ay isang napakabigat na responsibilidad sa kung sino man sa atin lalung-lalo na sa mga kabataang nalalagay sa alanganing sitwasyon na nagyayari sa kanilang buhay.

Ang kabataan ay nararapat na magtamo ng mga magagandang karanasan mula pa lamang sa kanilang pagsilang. Nararapat na sila’y  maalagang maayos, makatapos ng kanilang pag-aaral, makahanap ng angkop na trabaho at ang lumagay sa tahimik na pamumuhay kung nais na nilang bumuo ng sarili nilang pamilya at mabigyan sila ng magandang kinabukasan.

Ngayon, bihasa ang mga kabataan at pawang mga eksperto sa makabagong teknolohiya, ngunit nawa'y maging bukas din ang ating isipan sa mga problemang hindi lang pansarili kundi sa problemang may kinalaman sa ating lipunan.

Sa nalalapit na Eleksyon 2016 ay kailangan na naman ang ating boto. Ang boto nating mga kabataan ay siyang boses ng pagbabago. Huwag nating i-pokus ang trabaho, gawain sa bahay at pag- eeskwela lamang dahil tayo din ay may responsibilidad sa mga pangyayari sa ating bayan.

Bilang isang kabataan, maaari nating mabago ang ating bayan kung tayo ay boboto ng maayos at may paninindigan. Maniwala tayong mas malawak at mas maparaan tayong mga kabataan.

Magiging maganda ang ating kinabukasan kung mapipili natin ang karapat-dapat na mamumuno sa ating bayan. Baguhin ang mga nakagawian na, magsaliksik ng mga impormasyon at huwag papadala sa mga mabubulaklak na salita.

Hayaan nating makagawa ang isang maliit na hakbangin para makamit ang pagbabagong inaasam atin.

Reliable source:

http://teksbok.blogspot.com/2010/09/kabataan-sa-responsableng-pagboto.html?m=1

https://www.abante-tonite.com/issue/Oct2712/edit_shy.htm#.Vt7UzpHQHJs